Şəki M.F. Axundov adına şəhər Mədəniyyət Mərkəzində şair Abbas(Əmbala) Bəxtiyarova həsr olunmuş xatirə gecəsi keçirilib
28 iyul 2017-ci il tarixdə M.F.Axundzadə adına şəhər Mədəniyyət Mərkəzində İ.S.Nakam adına Mərkəzi Kitabxananın təşkilatçılıgı ilə XX əsr Şəki ədəbi mühitinin görkəmli nümayəndəsi, şair, tədqiqatçı folklorşünas Abbas(Əmbala) Bəxtiyarova həsr olunmuş “Yapışmışdım bu dünyadan, etibarın bilə-bilə” adlı xatirə gecəsi keçirilib. Gecədə Şəki şəhər Gənclər və İdman İdarəsinin rəisi Vüqar İsgəndərov, “Mədəniyyət qalası” qəzetinin baş redaktoru Yusif Rəhimov, ARB Şəki TV kanalının təmsilçisi Elşən Zəkəriyəbəyli, 2 saylı Uşaq Musiqi Məktəbinin direktoru Tərlan Məmmədov, Bəstəkarlar İttifaqının nümayəndəsi İsmayıl Əliyev, şairin sənət dostlarından olan tanınmış pedaqoq Şahid Məmmədkərimov, Musa Həşimov, Bəhram Oxudlu, Bəxtiyar Bəxtiyarov, Şəkinin poeziyasevərləri və şairin ailə üzvləri iştirak ediblər.
Tədbirdə Abbas Əmbalanın sənət dünyası və onun yaradıcılığı ilə bağlı xoş xatirələr dinlədildikdən sonra şairin “Həsrətim” , “Üzünü sıxma köksümə”, “Azərbaycan milli mətbəxi bayatılarda” , “Kiri sən Allah” kitablarından nümunələr səsləndirilib. Şeirləri Şəfəq Xəlilova, Gülşad Nurani, Dilbər Yaqubova, Gülnarə Əsgərzadə, Jalə Yaqubova, Zümrüd Məmmədova və Ayan Xasməmmədova ifa ediblər.
Sonra tanınmış kaman ustaları Nurəddin Həmidovun, Rüstəm Xəlilməmmədovun, nağarada Ayaz Məcidovun, fortepianoda İsmayıl Əliyevin, tarda Elmir Hümmətlinin, mügənnilər Sərdar Yunusovun, Seymur Qasımzadənin və Kəmalə Qəhrəmanovanın rəhbərliyi ilə rəqs qrupunun iştirakı ilə maraqlı konsert proqramı təqdim olunub.
Tədbirin sonunda şairin həyat və yaradıcılığını əks etdirən videoçarx və onun kitablarından ibarət sərgi nümayiş etdirilib.